大家唔好以為依家啲男人個個都鍾意十八廿二嘅年輕少艾喎，因為外國有調查指出，中女愈嚟愈受歡迎，而受訪男性中，就有超過一半人表示寧願揀一位年紀比自己大嘅女性作為女朋友。

有情有趣

至於點解咁多男人都會選擇中女？原來男人認為呢個年紀女性嘅性經驗普遍較為豐富，床上放蕩得嚟又可以接受多種花式，唔似得少女咁淨係識得由男方作主動，一啲情趣都冇。而且絕大部分男士都覺得，中女比起年輕貌美少女更能容易令人產生性衝動。

至於被問到想同咩年紀女性上床，最多男士話係三十至四十歲，原因係呢個年紀女性對性特別渴求，同佢哋上床可以得到最大享受同滿足感。

體質影響

上一輩嘅人都愛以「三十如狼、四十似虎」形容中年女性對性愛嘅渴求，到底狼虎之說係唔係真呢？其實影響女性性慾嘅因素分為心理及生理兩方面；生理方面，女性體內有女性賀爾蒙同男性賀爾蒙，而女性賀爾蒙主要功用係分泌愛液，男性賀爾蒙先至係真正令女性產生性需求嘅主要原因。

除咗每人體質唔同而令性需要有分別之外，後天因素亦會造成影響，例如男女之間嘅感情、環境氣氛，以及互相信任程度都係令到女性會否產生性慾嘅因素。古人話：「飽暖思淫慾」，就正正反映出日常生活同工作壓力，都會影響女性性慾變化，只有在安穩環境之下，先至可以令女性想到魚水之歡。

經驗累積

有報告曾經指出，男性性需求喺十八至二十五歲嘅時候最高峰，相反，女性則要踏入二十五歲先至開始進入享受期，要到三十至四十歲至會逐漸達到頂峰。而點解有人話女人「三十如狼、四十似虎」？其實係由於女性經過性愛經驗累積，到三十歲之後，先能夠真正體會性愛帶嚟嘅快感，亦開始懂得享受男女間嘅性愛滋味。

所以，如果女性愈早踏入性愛區域，隨着交歡次數增加，亦能夠愈早享受性愛歡娛。不過，亦由於男性到中年，性能力就開始下降，早婚女性到中年之後，會好容易出現男方未能滿足女方嘅情況。