市道愈差愈多人出賣色相，但今日今時，唔止女人會選擇賣淫，連男人都要做鴨仔搵食。我雞蟲熹就識得一位大學生，早前因為投資失利而欠下巨債，為咗搵快錢還清債項，經朋友介紹下加入鴨仔行列。
起初經理同佢解釋，只要陪吓闊太飲酒、講吓笑，月入幾萬蚊濕濕碎。不過，當佢第一晚返工，就發現完全係兩回事，佢話：「啲客人簡直當我唔係人，幾個師奶一齊隊我，飲大兩杯就出手攻擊我下身，我愈痛苦，佢哋就愈快樂！」大學生話每晚都要過呢種非人生活，雖然係搵到錢，但心理極唔平衡，所以好明白啲囡囡點解要去玩鴨仔。
至於最令呢位大學生難忘嘅事，佢就話：「有晚客人要求我同另一鴨仔一齊出街，上到房個客人掟咗五千銀响床上，話邊個夠持久，就可以攞走啲錢！雖然嗰刻我覺得好侮辱，但為咗錢，冇辦法！」所以話想食呢行飯一啲都唔容易！
雞蟲熹簡介
才二十五歲已經係色慾市既色途老馬，座右銘係唔食飯都要去滾。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk