做嘢最怕嘅唔係辛苦，而係辛苦咗一輪，將全副精神投入去後，到最後卻功虧一簣，呢種痛苦真係非筆墨所能形容！好似以下片段嘅男主角文仔咁，窮一生精力及積蓄，希望能夠向大家展示佢嘅時光機之際，卻突然發生意外，令文仔懊悔莫及！

1.文仔研製時光機多年，今日終於宣告研製成功！為咗讓各界見證呢個重要時刻，佢專登搞咗個新聞發布會，將結果公諸於世。

2.在座嘅記者及嘉賓，都非常期待呢部時光機嘅廬山真面目，喺萬眾期待下，時光機終於現出真身！

3.正當文仔諗住喺眾人面前，親身示範時光機嘅用法之際，點知天花上嘅吊燈突然跌咗落嚟，仲意外啟動時光機。

4.喺一道猛烈強光一閃後，時光機便消失於大家眼前。文仔見多年心血就咁消失，即刻跪喺度狅喊，真係陰功！

5.原來時光機被意外送到恐龍時代，相信文仔點都估唔到，佢嘅發明真係成功咗，不過可惜冇辦法同各界展示啦！