最近有夜總會囡囡向我皮哥投訴，話佢間夜場換咗揸Fit人，竟然將所有月薪同日薪嘅囡囡，全部改為時薪計，仲要係有客人坐枱先計數，冇客人嘅時候就一毫子都冇，啲囡囡當然呱呱叫，原來好多夜場都改咗行時薪制，啲囡囡冇得反對。
以前好景嘅時候，夜場會撬一啲有質素嘅囡囡過場，仲以月薪包起佢哋，等佢哋有一個底薪，之後再按表現，按鐘拆帳。但今時唔同往日，每月有底薪嘅囡囡，已經好少，大多數以日薪計，囡囡每日返嚟坐八至十個鐘，就有一日嘅人工。
當然囡囡有客人上到鐘，就可以再拆鐘錢，咁樣做法就保障到夜場每日都有一定數目嘅囡囡返工，就算時薪計嘅囡囡都係一樣，返去坐冷板櫈，都係有錢收嘅。但家陣要有客人坐枱至計錢，盞逼晒啲囡囡去做鳳姐啫，到時夜場就會愈嚟愈少囡囡，最後搞到冇客人幫襯，遲早要執笠。
皮哥簡介
永遠二十五歲，經常喺油尖旺出沒，綽號蠱惑收料王，座右銘係唔八唔知天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk