古都「代名詞」解釋：今日嘅西安，係中國四大古都，古稱長安，係中國歷史上影響力最大嘅城市之一。先後有西周、秦、西漢、隋、唐等十四個王朝喺該處建都。雖然今時今日提起古都，好多蒲友都會諗起「長安」，但並唔係先前所講嘅歷史之地，而係位於東莞嘅長安。
事關依家該處夜店林立，形形色色嘅夜總會、桑拿可謂多不勝數，玩法亦層出不窮。至於點解將呢個地方以「古都」一詞嚟代替東莞嘅長安呢，原來係為咗掩人耳目。
話說以前好多網友都鍾意喺論壇上對東莞長安嘅夜店高談闊論，結果引起咗執法人員嘅注意，搞到該處嘅夜場頻頻被掃場。為免過分張揚，有網友就自發性以「古都」作為暗號，舉個例，如「古都××夜總會包膠」，就即係指「東莞長安××夜總會報告」，唔知大家又想唔想到「古都」尋幽探「性」呢？