早前Laurie Wallace接受一成人雜誌訪問時，坦言家陣要勒緊褲頭做人，日常生活上要慳得就慳，佢更講笑話，勒緊褲頭唔止可以慳到錢，仲可以幫助Keep Fit添，佢解釋：「因為使少咗錢，食少咗嘢，自然身材都Fit埋囉！對我嚟講，當然係好事啦，作為脫星最重要係副架生，時刻都要保持體態優美，否則冇工開，喺屋企攤抖得耐，身材好容易走樣架嘛！」
戒酒店歎茶
至於Laurie點樣勒緊褲頭法呢？佢話第一步就係戒絕一切洗腳唔抹腳嘅動作，例如以往會去星級酒店歎High Tea，家陣就求其喺屋企附近嘅咖啡店飲杯咖啡食個撻就算。仲有，平日出街盡量唔會帶咁多錢喺身，更加唔會帶信用卡，咁自然會使得少啲。Laurie話：「諗番以前，我真係洗腳唔抹腳，可謂搵幾多使幾多，但係依家咁嘅環境，唔容許我再咁大使，不過我有信心可以改掉呢個大使嘅習慣，雖然初頭係辛苦啲，但慢慢就會慣架啦！」
阿妹嘅慳錢行動，更感染到佢身邊嘅同行好姊妹，大家不時喺網上交流心得，連友情都提升不少，真係可喜可賀！
正所謂大富由天，小富由儉，雖然Laurie家陣進行勒緊褲頭行動，但只係一味慳，唔諗計仔開源，長遠嚟講都係冇運行喎，唔知阿妹又有乜辦法呢？
Laurie話：「我當然有辦法啦！首先我唔會將慳番嚟嘅錢，學啲婆仔咁放喺銀行儲起佢，而係投資喺股票市場，依家市場上有咁多平貨，我認為係最佳入市嘅時機，但要緊記，想有斬獲至少要等五年時間，假如冇長遠計劃及閒錢，大家千祈咪學我呀！」Laurie果然有計劃，將慳到嘅錢用嚟投資，相信成為小富婆指日可待。
寫劇本搲撈
Laurie更表示為咗搲撈，決定踩過界，學人寫四仔劇本，然後主動同公司傾開戲，佢話：「我好清楚四仔界嘅運作，喺咁嘅時勢起碼要等到出年至有新戲開拍，所以我學寫劇本，後同公司高層傾，假如公司接受我嘅劇本，又畀我做女主角，收平啲劇本費同片酬又點話啫！」嘩！阿妹果然食腦，應該要封佢為叻女至啱！
Laurie Wallace's Profile
年齡：25歲
三圍：34C-24-33
身高：5呎7吋