夫妻一同踏入中年，一般都會進入怠倦期，即係話大家對得太耐，生活再冇新衝擊，兩公婆搞到相對無言。不過，咁落去都唔係辦法，作為男人必須要做主動，作出實際行動為夫妻之間增加情趣。但係，搞花臣還搞花臣，小心咪過火，千祈咪學似呢個老公咁發姣發到出晒面呀！
1.阿豪呢位中年白領，今日剛好放半日假返屋企休息，難得輕鬆吓，點解唔休息喺度左Set右Set，搞乜呢？
2.阿豪Set完機後，隨即寬衣解帶，露出一副滿身肥肉嘅軀體。佢動作雖然笨拙，但亦頗有節奏感，好似跳艷舞一樣。
3.鏡頭一轉，就見到阿麗拎住部電話，露出驚訝又難堪嘅表情，究竟同阿豪有咩關係呢？
4.原來阿豪剛剛透過3G視像通訊將艷舞騷傳送畀佢睇，畫面上只見阿豪猛咁喺度擠弄肥肉同自摸雙峰，真係惡心！
5.此時，阿麗身後突然出現一個神秘身影，而醒目嘅佢亦隨即發現背後有人，即時用眼角望清楚。
6.見朋友行緊埋嚟，阿麗即刻收埋部手機，以免畀人見到自己睇埋啲咁核突嘅嘢。
7.阿麗將手機摺埋後即刻放喺對面位，原來佢拎咗朋友部手機嚟玩，結果睇到對方老公嘅艷舞視像，好彩佢朋友唔發覺咋！