講到日本嘅古裝首辦模型，主要分為中國三國時期，及日本戰國時期兩大類，而不少故事都以呢兩個時期為背景。好似今次介紹嘅模型─山本五十六，就係以後者作為故事背景嘅人氣十八禁電玩《戰國Rance》中嘅女角之一。
呢隻十八禁電玩《戰國Rance》，其實係《Rance》系列其中一個分支作品。《Rance》系列作品非常多，故事主要講述以「全世界嘅美女都係屬於本大人」為信條嘅男主角Rance，同佢嘅奴隸魔法師Sil一同展開嘅冒險故事。而山本五十六就係《戰國Rance》中，同Rance有過關係嘅其中一個女角。
呢個山本五十六嘅首辦模型，驟眼睇落去好似冇乜睇頭，只係配件較多，部件較為細緻而已。不過只要你稍為留心察看的話，便會發現呢個模型暗藏性感，低胸上衣令酥胸半露之餘，腰肢更係非常纖幼，密實得嚟亦相當有睇頭架！
原型師：小笠原健人
全高：215mm
售價：8,190日圓（約HK$663）
發售日期：2009年9月