好多人都好怕睇醫生，就連每年嘅身體檢查，佢哋都會耍手擰頭，就好似呢套短片嘅男主角咁，死都唔肯去做身體檢查，仲整色整水，結果搞出個大頭佛，認真笑死人。
1.肥明返到公司後，畀人事部經理阿湯召入房，通知佢聽日去醫務所做身體檢查。
2.原來肥明最怕睇醫生，一臉苦惱咁哀求阿湯可唔可以唔去做檢查，仲話自己身體好健康。
3.阿湯聽後抬頭望住肥明，話佢一身肥肉唔慌健康，跟住示意肥明轉個身睇睇。
4.肥明轉身後，用個又圓又大嘅屁股對住阿湯，阿湯見狀話無得傾，叫佢聽日準時去見醫生。
5.肥明聽後十分激動，繼續同阿湯爭辯，仲話可以證明畀阿湯睇佢有幾健康。
6.肥明坐咗喺影印機上面，原來佢以為阿湯話佢屁股唔健康，於是複印出嚟畀阿湯睇清楚。
7.點知肥明實在太重，坐爆咗部影印機，結果搞到屁股開花，呢勻佢想唔去睇醫生都唔得喇！