- 2009年05月26日(二)
男人最怕入錯行，其實女人都係架！好似脫星Tawny Roberts咁，當年喺美術學系畢業後，一心諗住入行做美指，夢想係攞奧斯卡，可惜因為家庭經濟壓力，令阿妹被迫走上四仔路。
Tawny話入行初時感覺猶如走入人生末路，因為四仔只講求身材同槍林彈「乳」，根本冇人會着重美感，難怪阿妹心灰意冷。但喺偶然機會下，Tawny被邀拍一套講述「石器時代」嘅四仔大作，導演同工作人員都正頭痕衣着方面要點配合，呢個時候Tawny就自告奮勇，願意擔當美指一職，結果出來效果非常好，得到影迷認同更得到公司重用，自此，Tawny就半職成為公司嘅形象指導，專責幫自己設計形象之餘，連公司旗下嘅新人都交畀阿妹處理。
阿妹話諗都未諗過：「當時入行後已認定冇機會翻身，結果依家可以做脫星之餘，亦可以為人設計形象，雖然冇機會問鼎奧斯卡，但如果可以攞到AVN都心滿意足。」而睇阿妹嘅功力，攞四仔最佳美指相信冇乜難度，皆因佢每次出場都能令觀眾耳目一新，但有人就暗指阿妹踩過界，搞到班美指冇得撈。但阿妹就一於少理，出埋個官網畀大家欣賞，呢種咁積極嘅態度，好值得大家學習架！
Tawny Roberts's Profile
出生日期：1979年3月18日
三圍：32B-24-31
| ||||||||||||||||
