喺大部分人眼中，喺夜場工作嘅男人，必定係蠱惑仔，而且仲係大滾友。但世事冇絕對，竟然有大學生喺呢啲夜場打工。
話說早幾日我皮哥約咗幾個老友敍舊，席間佢哋介紹咗個後生仔畀我識，佢今年二十四歲，外表斯斯文文，大學畢業，因為搵唔到嘢做，於是佢個喺骨場做經理嘅親戚，就介紹佢入行。我同佢傾咗一陣偈之後，就覺得佢好可憐，皆因佢根本入世未深，對呢行一竅不通，但係就無端端入行，佢依家負責睇住囡囡，有時仲要落場招呼客人。我心諗，一個大好青年就係咁入咗呢行，如果將來佢要轉行嘅話，相信都幾難，因為呢行就好似吸毒一樣，只要你掂一次，就好難翻身。
跟住，佢同我講話喺骨場經常有好多精彩事發生，當中包括有香艷無比嘅靚女擦身而過，令佢產生生理反應。唉！睇嚟呢位後生仔已經中毒啦！
皮哥簡介
永遠二十五歲，經常喺油尖旺出沒，綽號蠱惑收料王，座右銘係唔八唔知天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk