近年香港掀起一股咖啡熱，咖啡店開到成行成市，去到中上環一帶更加經常聞到陣陣咖啡香，令人不禁走入就近嘅咖啡店，一邊飲杯靚咖啡，一邊放鬆心情，實在係賞心樂事！
然而，有得歎靚咖啡都未必係最爽，若然可以去到美國緬因州嘅Vassalboro歎咖啡就更正喇！無他嘅，因為呢個小鎮有一間風格嶄新嘅咖啡店，點嶄新法？因為男女侍應全部都係赤裸上身服務客人，夠嶄新未？呢間名叫Grand View Topless Coffee Shop開張只有四個月，店內設有十五張枱，最多可以容納五十八個客人，對比起其他咖啡店嘅面積雖然細咗啲，而且所售賣嘅咖啡亦唔見得有特色，但係每日嚟幫襯嘅客人都絡繹不絕，原因當然係為咗欣賞無上裝女侍應嘅嬌美上圍啦！然而，要入去幫襯先要確定自己帶咗身份證，因為咖啡店門口有一大漢把守，客人入去之前先要經大漢核實年齡，證明年滿十八歲先准入店內歎咖啡架！
地點：美國緬因州Vassalboro
注意事項：只准年滿十八歲或以上人士入內