呢個「Montreal Fetish Weekend 」戀物派對，每年都會喺加拿大蒙特利爾舉行，今年已經係第五屆，並定於九月四至六日開騷。呢個戀物派對內容豐富，除咗有主題時裝騷之外，更有各式各樣嘅另類性文化節目，例如膠衣及皮革展覽、紋身示範、綑綁藝術等，仲有遊戲及歌星獻唱，對於熱愛另類性文化嘅人士嚟講，絕對係一個最佳嘅交流平台。
其中最備受注目嘅環節，可算係另類時裝表演，一眾模特兒穿着貼身膠衣輪流上台行Catwalk。每一件膠衣都由設計師製作，既性感又有創意。除咗睇表演之外，主辦單位亦邀請咗一班對另類時裝有濃厚興趣嘅新進設計師到場，展示佢哋嘅作品或親身穿上任人欣賞。
另外，於附設嘅舞會內，大家不難發現有唔少參加者都會穿着自家縫製嘅皮革或橡膠衣物，當中有唔少款式同顏色都極為搶眼，一着上即刻成為全場焦點。呢個戀物派對有得睇又有得玩，大家有興趣的話，就要及早上網訂飛喇！
收費：六月一日前預訂門票價錢為125加元（約HK$838），六月一日後預訂門票價錢為175加元（約HK$1,173）。
注意事項：建議入場前先預備一件膠衫穿上，同大家打成一片，可以令你更易投入活動之中。