長輩成日都勸年輕人千祈唔好到處留情，特別係即將結婚以及已經結婚嘅後生仔，因為既然已經踏入戀愛墳墓，就唔應該再搞搞震，萬一畀準老婆或老婆知道，好易出事，以下就係一個好例子喇。
1.文仔剛剛成功向女友芝芝求婚，第一件事當然係要買結婚戒指啦，所以今日文仔就專程陪芝芝去選購美鑽，訂造婚戒！
2.當文仔同芝芝揀緊鑽石嘅時候，突然分心，唔通文仔覺得眼前細細粒嘅鑽石唔夠分量，所以冇興趣睇？
3.文仔之所以分心，其實係佢發現門外有一位無論身材、樣貌都比芝芝更吸引嘅美女正向佢大送秋波。
4.有咁索嘅靚女主動勾搭，係男人都要去了解清楚啦！所以文仔毅然拋低女友，決定衝出去會一會佳人。
5.當文仔出到門外，聽到有人大叫：「Good Take！」呢個時候佢先發覺外面原來拍緊廣告，而美女剛才嘅勾引動作亦只係劇情需要。
6.但文仔知道自己會錯意已經太遲，芝芝同售貨員一直留意住文仔嘅舉動，佢情不自禁撲向佳人嘅一幕，大家都睇得清清楚楚。
7.鏡頭一轉，原本揀咗嘅細細粒鑽石，竟然全部換晒巨鑽，擺明就係芝芝要懲罰花心嘅文仔，所以忽然改買巨鑽啦！
8.芝芝為洩心頭之憤，決意盡情消費，站喺身後嘅文仔，個樣即時超無奈。鬼叫佢自己衰鹹濕咩！