永倫南華今修頓爭霸

甲一籃球季後賽今晚上演終極爭霸戰！力爭3連霸的永倫，目前與宿敵南華打成總比數2:2平手，雙方會於修頓室內場合演終極Game5決一生死。兩屆MVP得主潘志豪於Game4「食白果」，今鋪為省靚招牌，誓必全力以赴爭奪這個本地籃壇最高榮譽！

潘志豪再「以一敵三」

矢志於12年內8奪總冠軍的永倫，今季可謂強勢沒法擋，直至Playoffs總決賽Game 3前一直保持長勝紀錄。然而這支「黃金戰隊」在領先2:0（賽事採5場3勝制）的大好形勢下放虎歸山，被南華連追兩場扳成平手，要成就3連冠霸業的話，今晚不能再有差池。

上仗0得分失威

上仗全場沒有得分兼錄得3次犯規的潘志豪，今仗將會再一次成為焦點。對於「阿豪」的跌Watt演出，永倫領隊林植昌坦言未驚過：「雖然阿豪上場冇分落袋，但我相信冇一支球隊敢唔嘜死佢，我敢保證如果稍一放鬆佢，將會付上沉重代價！」

南華於上仗大勝永倫，關鍵在於戰術運用得宜，以劉子健、李劍煌及陳浩明3人輪流防守潘志豪，成功令該位永倫核心「捧蛋」。南華教練梁達強揚言「食過翻尋味」：「我哋會用類似方法去應付永倫，只要封鎖到潘志豪同香振強喺外線嘅發揮，南華贏面會大增。上場我哋大炒對手16分，球員信心返晒嚟，羅意庭嘅心態亦成熟咗唔少，我相信南華會贏！」

南華後備兵源不足

南華今仗續有隊長譚偉洋倦勤，射手李翹峰已到懲教署受訓缺陣，後備兵源不及永倫或成隱憂。另外，今晚頭場有甲二組賽事旭暉迎戰新青聯，勝方有機會於來屆升上甲一。新青聯賽前特意邀請內地球員李東及李鑫助陣，戰意鮮明。