SUN搞作：SUN官場現形記：食乜都唔得掂
消委會測試市面蔬菜樣本，發現有機菜樣本中，竟有三成七驗出含殘餘農藥，但食衞局局長Dr.高堅稱已經做足抽查，市民食不安心，真係唔知點算好。
市民︰食乜都話有事，但又唔可以唔食菜……
Dr.高︰咁驚咪唔好食有機菜囉。
市民︰傻的嗎？難道無機菜就無農藥？
Dr.高︰我唔敢講，但應該就無蟲。
市民︰所以話靠你哋啲官做嘢，真係「教育局局長」！
Dr.高︰即係點？
市民︰唔得掂啊！
Dr.高︰……其實你食得有機菜都應該預咗。
市民︰吓？有機菜有農藥喎！
Dr.高︰香港「有機」無絕對定義，「有機菜」可以係「有機會有農藥蔬菜」！
