扶手梯有上冇落 食署街市虐長者
食環署轄下街市不少正研究優化設備，惟西貢街市連基本設施亦欠奉，場內僅設上行扶手電梯，為難市民攜着大袋餸菜「撐落樓梯」。食環署指街市已設有升降機供市民及檔戶載貨共同使用，但不少居民指升降機不時損壞維修，而且與檔戶共用，「人貨同升降機」亦屬不便。區議員批評食環署未有認真處理市民需求，建議食環署盡快研究改善方案。記者：蘇敏婷
西貢街市扶手電梯只設有上行，下行則要市民捱樓梯。
升降機設於落貨區，記者曾到場視察，惟鮮見市民使用。
街坊辛苦
曾婆婆：「我唔知嗰度有部升降機喎！我八十歲喇，有部電梯落梗喺好好多！」
街坊辛苦
李小姐：「見到好多婆婆行得好辛苦！拎住一袋二袋餸，尤其腳唔方便嗰啲！」
西貢居民何婆婆每天均會到西貢街市購物，惟街市不設下行扶手電梯，每次在上層蔬果檔購物後，便需沿上行電梯旁的樓梯拾級而下，「部升降機成日有維修，都擔心部升降機會有危險，二來啲舖頭會用嚟送貨，部升降機又喺街市另一面咁遠，費事行到去撞啱壞升降機或者有人送緊貨又要行番轉頭！」
何婆婆認為，扶手電梯可方便長者或行動不便人士，惟該街市的設計卻未有便民，「邊有街市咁奇怪，啲扶手電梯有上冇落，好唔方便！我空手上一樓，都要一袋二袋慢慢行番落嚟，腳唔好惟有慢慢扶住落！」
記者到場視察，發現不少市民攜帶「買餸車」從上層走樓梯返回地下，長者尤為吃力。扶手電梯旁雖貼有告示指有升降機可使用，惟數小時內只有少數市民使用。
食物環境衞生署發言人表示，上述街市共有兩層，並設有一部升降機、一條上行扶手電梯及五條樓梯。發言人認為，雖然有關升降機供市民及檔戶共同使用，惟檔戶主要使用升降機載貨與市民一般購物的時段不同，而街市附設足夠樓梯供市民來往地下及一樓，故未有計劃於上述街市增設扶手電梯或升降機。
被轟刻薄居民
發言人續指，根據機電工程署資料，過去兩年間對上述升降機共進行約三十次維修，大部分維修均即日完成。而過去三年，食環署曾接獲一宗與上述街市樓梯有關的輕微受傷個案。
「我問過啲街坊，好多都唔知道有部升降機或者以為係用嚟送貨！」西貢區議員方國珊指，上述街市為西貢市民主要使用的街市，其中更不乏長者。方批評食環署未有認真處理市民需要，將載貨升降機轉為客、貨共用實屬非解決辦法，促該署研究處理方案，「成日講優化公眾街市，都已經唔講裝唔裝冷氣啲咁高階嘅題目，最基本想有上同落嘅電梯，呢個要求好合理，但點解要刻薄我哋西貢嘅居民！」方國珊已報名參加立法會新界東補選，參選人還有楊岳橋、黃成智、梁天琦、周浩鼎、梁思豪及劉志成。
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
逢星期一至五見刊
