政壇：領展新法寶助參透市場

為咗要知道客戶嘅消費習慣，可以去到幾盡？全港最多商場嘅業主，即係領展，就選擇自己製作「消費信心指數」。

公司企業傳訊及對外關係總監盧炳松話，佢哋行政總裁王國龍係投行出身，好多嘢都要求有根有據，最好有數據支持，所以就搞咗個「消費信心指數」出嚟嘞！

聽講，製作呢個指數都幾大工程，需要委託機構喺領展重點營業區域訪問啲消費者，而抽樣調查嘅人數，仲要係同類型調查嘅五倍。不過，暫時呢個指數只係畀領展內部使用，唔對外公開。不過，收到料話呢個指數嘅表現暫時跑贏大市，即係普遍人都對喺領展商場消費有信心囉。