眼紅內地又支付寶、又微信錢包好方便？信銀國際個人及商務銀行業務策略業務執行總經理Anne李慧燕話，嚟緊幾個月佢哋有機會夥拍微信（WeChat）推出P2P過數服務，等香港人試玩WeChat Pay（類似微信錢包海外版）。無玩開WeChat嘅都唔緊要，Anne都有諗緊其他P2P過數方法，希望客戶用得方便。

李慧燕話今次主要係想畀大家體驗吓WeChat Pay。

咁依家WeChat Pay有乜嘢着數先？只要你喺WeChat關注「中信銀行（國際）」官方帳號，就可以用任何銀行嘅VISA或MasterCard信用卡半價買旅遊保險，如果用埋信銀國際信用卡畀錢，再送多張咖啡券。

第一手消息請下載on.cc東網iPhone/iPad/Android/Windows Phone Apps