政壇：羅冠聰打機 懶理學聯
近來香港大專學界風波不斷，但專上學生聯會似乎冇聲冇氣，學聯秘書長羅冠聰近日就忙於打機。羅冠聰尋晚喺社交網站Facebook（fb）上載咗張自己嘅相片，留言話自己係電子競技公司嘅「試訓生」，即將前往歐洲集訓並參加世界賽。難道佢只顧「瞓身」打機，已將學聯職務同大專學界拋諸腦後？
羅冠聰喺fb講笑話去歐洲集訓。（互聯網圖片）
但羅冠聰就辯稱只係喺fb講笑，佢的確係去歐洲，但只係去出席會議，同打機無關。至於出席乜嘢會議，佢就故作神秘。其實佢喺fb提及參加嘅S10 World Championship世界賽並唔存在，難怪有網友自稱「中伏」嘞！
