「通街」晾曬果皮影響市容！「就咁倒晒啲果皮喺地下，又唔鋪啲紙墊底或者用個盤裝住，啲果皮都污糟晒啦，仲要嗰日有風，啲果皮吹到周圍都係，啲碎邊個幫佢掃？」李小姐早前行經大埔太和邨翠和樓對出行人路時，發現有人於路邊地上直接晾曬果皮，認為影響環境衞生，對進食人士的健康亦會受到影響。

太和邨行人路有人晾曬果皮，影響環境衞生。

太和邨管業處發言人表示，一直十分關注邨內晾曬物品的情況，已安排保安員於日常巡邏時留意，發現相關情況即作出勸喻，倘物主不在現場，則會將物品收入儲存倉內，物主需繳付行政費用才可領回，以收阻嚇之用。發言人強調，邨內公眾位置一律嚴禁晾曬任何物品，會繼續留意違規晾曬情況，以保持邨內衞生及道路暢通。