平日公務繁忙嘅發展局局長「波波」陳茂波，原來仲有閒情玩健康嘅運動。點解咁講？事關波波尋日喺一個公開活動上，見佢做瑜伽嘅動作都有板有眼，睇起嚟平衡力都唔錯喎。
陳茂波平衡力都唔錯。
波波話瑜伽係個動靜皆宜嘅活動，需要體力但亦令人放鬆，跟住佢就順水推舟以維港比喻瑜伽，指維港係一個充滿活力，同時畀市民休憩嘅地方，海濱事務委員會會致力推動海濱發展。
嘩！睇嚟做咗兩年幾局長，波波終於開竅，識得點做一個推銷員嘞！
