行政會議成員林健鋒兒子林凱章（Victor）已經接手打理家族玩具生意，日前傍晚時喺中環ifc見佢排隊買戲飛，原來想捧一套票房勁爆嘅超級英雄電影嘅場。佳人有約？佢笑笑口話，要搵工作靈感，事關佢哋生產嘅玩具多數係賣座電影入邊嘅主角，近排佢仲收集緊嗰套超級英雄戲中人物嘅十二吋模型公仔添。

林凱章（中）同咖啡店職員了解咖啡產品，之後爽快扑錘。

怕醜嘅Victor仲話，仲未有女友喎！買飛之後，佢又趁電影未開場，行入間咖啡專門店，仲同店員傾得好開心，最後扑錘買咗兩盒秘魯咖啡。Victor話，佢係咖啡迷，平時乜口味都會試吓。

第一手消息請下載on.cc東網iPhone/iPad/Android/Windows Phone Apps