歷劫車長 士巴拿傍身
MK男持刀騎劫九巴飛三站事件，車長猶有餘悸驚到震。前晚經歷人生首次被騎劫的九巴車長，昨日再度駕駛出事巴士，他透露兇徒逃去前，曾留下一句︰「有緣再見！」令他極為擔心，直言︰「我乜都唔驚，最驚佢嚟尋仇，都唔知點算好！」他又稱已放士巴拿傍身，以作不時之需。警方對案件極為重視，已交由旺角警區重案組跟進。消息稱，兇徒在旺角一間日式餐廳內偷走一把約十四吋長魚生刀，食肆「天眼」已拍下其容貌，正追緝其下落。
姓關車長展示兇徒的利刀長度。
發生騎劫事件後，警員到場調查。（資料圖片）
被偷刀的食肆，刀具插在鐵盒內。
被騎劫的姓關（五十八歲）車長，昨日接受本報記者訪問時，仍然未驚完，不斷強調︰「諗住穩穩定定搵食，點知會有啲咁嘅風險！」他憶述該名男子在旺角登車後，未付車資更站其身旁。期間，他兩次提醒對方繳付車資，但對方突然拔出利刀，「行住」其腰喝令︰「開車，唔好停站，我要去總站。」關考慮到全車乘客安全，不敢反抗就範，沿途無停車「飛站」，直至飛了三個站抵達深水埗界限街，兇徒才叫他停車，但臨走對他說︰「有緣再見！」
「為搵食頂硬上」
關對留言感費解，坦言︰「我唔識佢，佢又唔識我，唔知點解會有緣再見。我乜都唔驚，最驚佢嚟尋仇。」事後其容貌曝光，擔心有人認出他尋仇，故放士巴拿傍身。他又指︰「叫佢入錢好正常，唔知點解會搞成咁。」他昨日再駕駛涉事巴士，直言︰「真有點兒那個，唔驚就假。」關透露，加入九巴初時做散線，兩年前才轉做212號「梗線」，現駕駛特更，工時較長，嘆謂︰「就算有風險，為咗搵食，都冇辦法，惟有頂硬上。」
騎劫事件令同線車長震驚，姓張女車長稱，「聽到件事好驚，日日都對住陌生人，冇得防範，只能盡量小心啲，一旦出事，會打開車門讓乘客逃走。」另一姓莫女車長則謂︰「要按佢意思去做，唔好激嬲佢，最好所有巴士都安裝閉路電視。」
另外，被偷刀的雅蘭中心大和豚肉專門店，廚房擺放多把利刀，職員指除員工外，其他人一律禁止入廚房，並會嚴加留意陌生人接近。探員到該店調查及翻看「天眼」後，發現一名戴米白色鴨舌帽、身穿灰色短袖上衣、黑長褲及黑鞋的高瘦男子曾迅速進入店內取刀離去。
