城中鏡：佔旺易服男 立會快閃
早前爆發嘅佔領行動，吸引唔少「別具一格」嘅人士參與，雖然行動結束已久，但呢啲人仍然長時間喺添美道同立法會道流連，包括早前被《東網》踢爆嘅男扮女裝「佔旺易服男——家俊哥」。「易服男」睇嚟唔甘於終日屈喺添美道，尋日又有新搞作，就係以記者身份進入立法會大樓，參與採訪活動。由於「家俊哥」長頭髮打扮似女性，有女記者就擔心佢會唔會入女廁o架？搞到人人自危。
一頭長髮的「家俊哥」裝束中性，離遠睇似女記者。
佔領行動期間，「家俊哥」常在佔領區流連。
「家俊哥」在記者會拍攝，但中途走人。
在走廊訪問議員謝偉俊的「家俊哥」。
走廊獨訪謝偉俊
「佔旺易服男」在佔領行動期間，一直以女裝打扮現身旺角佔領區，一時又話自己係陳小姐及叫阿琪，一時又話自己任職港鐵車務主任，點知被踢爆其實姓練，係一個二十三歲、有詐騙案底嘅無業青年，部分人會叫佢做「家俊哥」。有關「家俊哥」嘅新聞真係一單接一單，佢曾經聲稱被軍裝警員強行拉出帳篷，拖行兩米拳打腳踢，遭警棍打至頭破血流，最終證實係老屈警方。
佔領行動結束後，「家俊哥」就由旺角轉去金鐘添美道流連，兩個月前又因為同添美道同伴有爭執，踢凹咗立法會大樓外用鋼造嘅防煙門，被警方以涉嫌刑事毀壞罪拘捕。消失一個多月後，佢尋日又再以記者身份現身立法會政府帳目委員會記者會，見佢一頭長髮，身穿運動羽絨衣，在場用手機拍攝會內情況，但係記者會開到一半，佢就起身走人。之後又見佢喺一樓走廊訪問議員謝偉俊，其後單獨一人時，不時撥弄長髮。
「家俊哥」話依家喺網上媒體擔任記者，因為喺記者會被前面記者阻擋其鏡頭，所以咪中途走人囉。問番「家俊哥」性別，佢就話係私隱，唔方便答喇，講完仲急急腳走人，都仲未問佢依家係去男廁定女廁添？咁嘅情況下，難怪有女記者擔心去廁所會遇到佢。據聞立法會秘書處都知悉「家俊哥」嘅存在，但不回應個別事件，所有傳媒代表只要符合指引，就可獲發臨時記者證。
