SUN搞作：少膽虫手記：「傘」聚有時？

少膽虫一踏入編輯部，就見淫賤黎左拮右插，可憐人人都走光了，「腦細，唔好再拎住把遮插嚟插去。」可惜淫賤黎就好似着咗魔，邊插邊哆嗦，「傘！傘！」唔通淫賤黎為咗下次衝擊而做緊準備？少膽虫霎時感動，即刻上前支持淫賤黎，點知，一把無情遮就咁拮埋嚟。

「腦細，唔好呀！我撐你，你做咩插我？」少膽虫問。淫賤黎大笑，「一早叫你『散』，就好似啲人做咩要留守？即刻散啦！」少膽虫大感疑惑，「腦細，我哋唔係撐『佔終』咩？點解要叫人散？」「啲人唔保留實力，我仲點抽水？」淫賤黎繼續狠插少膽虫。少膽虫忍痛問︰「抽水？」

「兩邊都劍拔弩張，如果真係武力清場，我仲唔成為罪人咩？如果啲人肯散，我咪可以繼續扯起民煮大旗，叫人繼續搞事囉！」