城中鏡：名人讚嘆水晶氣派
法國傳統水晶品牌喺香港開咗亞洲首間旗艦店，仲一連兩晚舉行盛大嘅開幕儀式，吸引一眾城中名人同著名室內設計師到場。
邱詠筠（右）同邱詠麒兩姐妹結伴而來，對水晶杯情有獨鍾。
周國豐（左起）同太太黃泳霖、周瑋瑩同細佬周世耀，對店內嘅水晶燈飾嘆為觀止。
城中名人周國豐同太太黃泳霖、邱德根孫女邱詠筠同胞妹邱詠麒，銀行家族後人Jacqueline 周瑋瑩同細佬周世耀、著名室內設計師包括陳幼堅兩夫婦，Steve梁志天同傅厚民等都有到場，佢哋對店內各款經典燈飾同陳列品嘆為觀止。
為慶祝旗艦店開幕，品牌更特別訂製一支六十顆燈泡Thistle系列水晶吊燈陳列店內，其法式典雅貴族氣派與現場氣氛相得益彰。晚宴更加唔簡單，多款法式佳餚配以品牌唔同系列嘅水晶餐具，仲上演多幕富有寓意嘅創新表演，將品牌嘅水晶創作工藝展現眼前，令賓客恍如親臨水晶製作工場一樣，藉此展示品牌堅持融合傳統工藝同創新技術嘅理念。
