SUN搞作：SUN官場現形記：後知後覺
台灣爆黑心油事件，近800噸由坑渠油溝豬油而成的黑心油已流入全台，港人的手信恐怕已中招，件事咁大鑊，唔知香港有咩準備？李衞就去搵食衞局副局長始始問吓點應付。
李衞：殺到嚟啦，殺到嚟啦！
始始：咩事喺度嘈生晒？
李衞：坑渠油殺到嚟，我哋點算好呀？
始始：唔使驚，我哋會睇實啲同檢視現行法例！
李衞：淨係檢視有咩用？食咗一定出事！
始始：唔會咁易中招嘅……
李衞：好啦，信住你先，請你食啲嘢呀。
始始：多謝，我唔客氣啦……咩嚟o架？
李衞：台灣買返嚟嘅手信，鳳梨酥呀，係咪好好味呢？
始始：坑渠油呀！*&%$%^@($
