政壇：顏卓靈 葉劉交換大作

書展曲終人散，無論作者或書商都喺前日煞科盡最後努力催谷新書，立法會議員葉劉淑儀都唔例外，推銷新書之餘，仲有意外收穫。原來葉劉喺書展攤位遇上獲今屆電影金像獎影后提名嘅「阿花」顏卓靈，兩人即場交換著作，「阿花」更向佢送上親筆簽名嘅精美相片集，大家合照時非常開心。葉劉話「阿花」本「處女著作」以「十八封書信」分享感受，而佢最喜歡就係寫給「夢想」信中的一句話：「不讓別人把你的名字改為幻想。」唔好將追求嘅夢想變成唔實際嘅幻想。