城中鏡：萬寶寶現身巴黎時裝周

名仕圈近年興起訂造熱，即使名牌時裝店都接受訂造獨一無二嘅名品，令華貴更添矜貴。已經開鑼嘅巴黎時裝周中，就有時裝品牌推出訂造服騷，仲吸引唔少名人捧場添。喺本港經營珠寶生意嘅社交界名媛萬寶寶都有現身，足見佢對獨一無二嘅時裝好有興趣。

萬寶寶現身巴黎時裝周，打扮簡約、時尚。

呢一日係巴黎時間下晝兩點半，舉行時裝周嘅會場外逼個水洩不通，萬寶寶以吊帶背心襯旗袍式過膝裙亮相，簡單得嚟又高貴，吸引唔少鎂光燈，呢日人多、嘉賓又多，大家都趕住去欣賞秋冬新款時裝。