有市民喺路上撞到路政署署長強強，隔咗無耐，強強就大叫，一齊睇吓發生乜事。

強強：哎呀，呢位仁兄，做乜無啦啦搶走我手中紮花。

市民：無，借嚟睇吓係咩花啫……幾靚咁喎。

強強：你無啦啦攞我紮花，仲唔畀番我，我告你偷嘢吖嗱！

市民：你冇咁小器嘅……

強強：你搶人嘢，仲話我小器，有冇搞錯呀！

市民：唓，最多咪畀番紮花你囉，咁大家就無數啦……

強強：你個怪人，隨便攞完我啲嘢，依家就想當冇事？至少都道個歉呀！

市民：我還咗畀你就當咩事都冇啦，你之前對港珠澳大橋承建商偷沙都係咁，還咗畀你就唔再追究！

強強：咁你都知？#*^&#!!!@!!

第一手消息請下載on.cc東網iPhone/iPad/Android/Windows Phone Apps