曾經同甄子丹喺電影《葉問》、《葉問2》同埋《西遊記之大鬧天宮》合作嘅影壇新人鄭家星，將喺今年底榮升做馬主，佢日前就特地到香港賽馬會嘅公眾騎術學校，同馬匹作零距離接觸，並一嘗騎馬滋味。家星嘅爸爸係大馬主鄭強輝，所以佢從小就有機會跟馬匹接觸，亦逐漸對馬匹產生興趣。

鄭家星自細就有機會同馬匹接觸，逐漸產生興趣。

當日佢到馬房餵退役馬匹吃紅蘿蔔，仲話：「好耐無入過馬房睇馬，我自己隻馬仲未運到嚟香港，我想改佢個名叫「星星」，因為我個名有個星字。自己一直想試吓騎馬，學嚟傍身，第時拍戲要騎馬都識。」首次騎馬嘅佢同馬匹相當夾得嚟，騎馬嘅感覺好玩之餘，亦很舒服和平靜。

屬馬嘅家星覺得同馬分外有緣，馬更令佢同爸爸嘅關係更Close，佢話：「爹哋好忙，養馬令到我哋多咗話題，大家都係馬主，賽馬日就可以一齊入馬場。」

第一手消息請下載on.cc東網iPhone/iPad/Android/Windows Phone Apps