SUN搞作:SUN官場現形記:醜死人
啟德郵輪碼頭配套差,有郵輪拒泊,反映接待設施未完善,令人擔心因而趕客。李衞為咗香港形象,即刻質問負責官員。
李衞︰你睇,依家郵輪都唔泊啟德,你話醜唔醜?
官員︰唔醜,唔泊啟德都泊到其他碼頭,仲唔係反映香港接待力足夠。
李衞︰足夠?!啟德交通配套差,等的士都等到打蛇餅!
官員︰等港鐵都要等三班先上到車,等的士一啲都唔出奇,而且……
李衞︰你唔好同我講,打蛇餅都係「寶貴」嘅旅遊經歷!
官員︰點會呢,我係想講唔搭的士同穿梭巴士,都有其他選擇。
李衞︰你唔係叫啲旅客搭飛機啩?
官員︰梗係唔係喇,搭番隻郵輪過海再轉車,你話幾方便!
李衞︰@@##$%%