透視鏡：外判商房署互拋波
是次污水倒灌慘令張生一家「雞毛鴨血」，上月二十一日下午他在區議員陪同下會晤房署經理及外判商工程部員，要求交代事故原因、商討賠償及調遷問題。「但成個會房署同外判商互相將個波拋來拋去，個個都話自己已經做咗嘢，無人肯承擔責任。」
沙田區議員程張迎了解事件後，憤慨指房署管理層及外判商工程人員溝通不足：「初步原因話因為喉管老化生銹，流水令鐵皮發脹，致管道內部直徑縮小，所以影響去水功能。但如果一早知道係呢個原因，點解唔二十號就換喉管？要等二十一號第二次出事之後先換？可見前線工程人員第一日整完喉管之後就算，無向管理層溝通同報告事件，管理層亦無採取任何跟進措施，簡直係踢兩腳先郁一郁！」
房屋署發言人回應，指兩次事故後已即時派員跟進和協助住戶清理現場，並發現兩次的污水倒流都是因有雜物阻塞去水管，相信是住戶不小心所致。上月十九日第一次清理喉中雜物後，喉管已恢復正常去水，故沒有即時更換喉管的需要，但已安排工程人員密切留意去水管的情況；至二十一日第二次污水倒流後，工程人員已把該污水喉更換，同時改善污水管的斜度，以減少雜物阻塞的情況，現時去水情況正常。
