城中鏡：陸東為愛犬破戒開fb
內地經濟騰飛，唔少行業嘅發展都令人耳目一新，其中互聯網業務近期好精彩，騰訊股價愈升愈有，業內公司亦動作多多，投資界名人陸東話，依家呢轉科網熱比二○○○年實在得多，但「中國模式」有個特點，就係熱潮一起，會一窩蜂去做，雖然係咁，佢都驚嘆網購威力強勁。身為TCL通訊獨立非執董嘅佢，近排幫公司做埋手機代言人，佢透露用咗半日時間影咗批型仔相，但初頭睇都唔認得自己喎。
陸東身兼多職，近排仲客串做手機代言人。
陸東一向唔講私事，近排佢開通咗facebook，同朋友開心share食片皮鴨同小籠包嘅靚相，點解會破戒？原來因為幾隻狗仔，陸東話早前佢領養咗狗仔，對方想領養者update狗仔近況，所以佢先會出post，記者八卦走去(目及)吓，發現佢養咗五隻狗仔，不過唔知邊隻令佢破戒！除咗幾隻愛犬之外，佢都好鍾意食嘢，早前就post咗去上海食小籠包同片皮鴨嘅相，佢就笑笑口話，咁啱順手啫。
