考評局擬加文憑試費用2%，李衞得悉莘莘學子可能要加重負擔，實在覺得激氣，於是搵考評局秘書長時時理論。

李衞：你個秘書長聲大大話要加學生文憑試費用，真係掠到盡！

時時：冇法子啦，嚟緊學生人口持續下跌，又要面對通脹壓力，唔加都唔得呀！

李衞：真係藉口多多，咁你另一邊又豪派花紅？

時時：員工都要面對通脹壓力，都要生活o架嘛！

李衞：咁就可以唔理學生嘅負擔？

時時：加價係大趨勢，搭車又加價、食飯又加價、日用品都狂加，等學生早啲面對個社會，好事嚟嘅！

李衞：最有問題係你哋自肥，無為佢哋利益設想呀！

時時：其實叫佢哋父母「加零用錢」畀佢哋，咁咪冇問題囉，得咗！

李衞：＊＆＠＃！！＠！＊＃一派胡言！

第一手消息請下載on.cc東網iPhone/iPad/Android/Windows Phone Apps