身兼新民黨成員嘅2010年中國小姐冠軍Uny趙哲妤同藝人「綠魔」Karl（許嘉浩）老友鬼鬼，早前佢哋相約食四川菜「興旺」農曆新年，食到火紅耳熱寓意一年紅過一年。問到對過去一年嘅成績係咪滿意？佢哋謙虛地話一切隨心而行，名與利唔會睇得太重，希望新一年參與多啲義工工作，藉着自己嘅知名度幫助更多有需要嘅人咁話。=

綠魔（左）同趙哲妤齊齊入廚房學包水餃。

大紅大紫（辣子雞）

荷包脹脹（水餃）

風生水起（酸辣涼粉）

學藝似模似樣

Uny話：「現在我修讀緊語言學碩士課程，可以學以致用，我有空閒時間就會去教基層南亞裔小朋友學中文同英文，而且我都會希望去山區義教。」Karl就話錢賺唔盡，有時間都會探訪。

講講下，佢哋走入廚房，學包水餃同辣子雞，都幾似模似樣o架！跟住仲搶食添，場面搞笑，之後又搶住向各讀者拜年，話：「食辣子雞食到大紅大紫，鍾意水餃就荷包脹脹與酸辣涼粉撈到風生水起！」

問到新一年大計？Karl大爆將發展大中華市場，又話：「我估唔到自己喺中國同台灣都略有知名度，真係好開心，我相信自己有電視台經驗會應付得到！」喺旁邊嘅Uny會唔會寄望有新戀情時，佢坦言自己好鍾意小朋友，亦希望盡早生兒育女，又話：「我都二十六歲唔細，唔係一拍拖就結，要先了解幾年，見到身邊朋友都結婚生B咁幸福，真係好羨慕。」

第一手消息請下載on.cc東網iPhone/iPad/Android/Windows Phone Apps