透視鏡：街市十室九空居民買餸難
【投訴組報道】面對公屋供應不足，政府正着力重建舊屋邨，位於深水埗的白田邨與石硤尾邨正是重建目標屋邨。然而，重建尚未開動，白田商場街市檔位已停止招租，變成十室九空；至於附近的石硤尾商場街市亦同樣面對檔位空置問題，居民與商戶皆叫苦連天。隨着愈來愈多檔戶因「冇生意」放棄承租，居民將更「冇餸買」，形成惡性循環。
白田商場街市
區議員吳美指白田商場街市檔位有近六成空置。
白田商場街市
石硤尾商場街市
秦寶山指石硤尾街市內出現多個檔位空置情況。
石硤尾街市菜檔瓊姐向區議員秦寶山（左）嘆檔戶數目日益減少影響人流，連帶生意亦轉差。
街坊點睇
何先生（白田邨居民）：好少會落嚟呢度買，屋企人就算唔方便都要搭車出去買，因喺呢度真係冇嘢買！
吳女士（石硤尾邨居民）：呢個街市好少選擇、價錢又貴，想買魚都寧願去北河街街市！
正在逐步啟動重建的白田邨現有人口逾兩萬，全邨僅靠設有四十八個檔位的街市供應日常所需，惟現時街市檔位竟有近六成空置，只有二十個檔位依然營業，完全無法滿足居民需求。黃太更抱怨說：「仲有兩年先拆，街市依家已經得番幾檔菜、一檔豆腐，想買條魚、買舊肉都冇！」黃太曾長途跋涉「落山」到石硤尾街市，惟同樣有大量檔位空置，加上選擇少、價錢貴，故寧願「畀幾蚊」乘車到北河街街市購物。不過，邨內仍有不少長者因金錢與體力不繼而無法「落山買餸」，不滿房署的重建計劃未有顧及居民生活所需。
「被迫去好遠買餸」
白田街市距離二○一六年的清拆期尚餘兩年，街市現時卻十室九空，當區區議員吳美怒斥房署漠視居民需求，「街市冇嘢買，街坊被迫去到好遠買餸，咁街市自然冇人流，檔戶一日得番幾單生意，買同賣嘅都好慘，房署完全冇理過！」吳美指街市在二○一六年清拆後，最快也要二○一八年才建成，逾二萬名居民將在兩年內面對完全「冇嘢買」的慘況。
至於石硤尾街市情況亦相若，當區區議員秦寶山稱，街市預設約有三百七十個檔位，現時有近兩成空置，卻要應付該邨逾二萬二千人及白田邨居民的需求，「好多街坊都話街市選擇少，走廊位嘅檔位又租唔出，商戶都一路少緊，加上冇公開招租，空置情況好嚴重！」
房署稱一半檔夠撐
房屋署發言人指出，白田邨部分舊樓已被納入分期清拆和重建計劃，故去年四月開始已停止出租白田商場街市檔位，四十八個檔位中約有一半仍在營運，加上商場內其他商舖以及石硤尾邨、南山邨等商戶，將可應付居民日常生活上的基本需要。
發言人續說，石硤尾商場近三百七十個檔位中仍有三百個正在營運，部分檔位因早前進行改善工程而暫停租賃，亦有部分預留給受清拆影響的白田邨商戶作局限性投標，最近共有六個檔位成功租出；而石硤尾邨第六期新街市預計在二○一八至一九年間落成，舖位數目未定。
