透視鏡：無理!!九巴線亂重組轉折費時招怨
「依家唔係要轉車就係兜遠咗路，返梨木樹方向嘅車又唔經大窩口站，受惠人數變相仲少咗！」（立法會議員陳恒鑌）
九巴36號線於去年十一月底與32B線合併，改為途經象山及石圍角的循環線。
新36號線往梨木樹方向不經大窩口站，引起居民不滿。
692線總站原設於將軍澳醫院外，現已取消。
方國珊指坑口居民現只能依靠港鐵往返港島，倘港鐵遇事故，後果嚴重。
好唔方便
周先生：「以前（等692）唔使轉車，依家要轉車但都一樣價錢，仲唔方便咗好多！」
何太：「唔想佢取消咗692條線，但反對都冇用，政府都唔聽人講！」
曾女士：「等車（692）時間耐咗，又要轉車，咁梗係唔搭（巴士）啦，變相搭多咗港鐵囉！」
方小姐：「本身唔近地鐵站要轉車，如果搭巴士（692）要再轉多程，咁唔搭巴士喇！」
【投訴組報道】九巴以節省資源及提升效率為由，由去年開始路線重組，首輪重組已塵埃落定，但爭議聲仍此起彼落，當中被取消的將軍澳坑口過海巴士692線、以及行走荃灣區的新36號線之反對聲音尤為激烈。立法會議員坦言不滿九巴與運輸署硬推重組方案，無視居民訴求，促研究深化補償方案，以息民怨。
九巴36號線原行駛梨木樹至港鐵荃灣西站，乘客如在屯門及天水圍等地乘搭58M線，即可在大窩口轉乘36號線前往梨木樹。重組路線後36號線與32B合併，改為途經象山及石圍角的循環線，惟新線推出後即被大批梨木樹居民反對。其中陳小姐便不滿當局無視反對聲音，強推重組方案，「依家變咗循環線，由屯門返嚟唔可以好似以前咁，喺大窩口轉36號返梨木樹，要搭235去到昌榮路再轉36M先返到去，嘥好多時間！」
兜遠咗路唔想搭
至於由將軍澳坑口往來中環交易廣場的過海巴士692線則在首輪重組中被淘汰，事件在區內亦引起極大回響。江小姐以往每日均乘搭該線前往交易廣場上班，坦言全因「夠舒服又快捷」，惟九巴取消路線後提出的「優化」措施卻「既轉折又費時」，令乘搭意欲大減，「依家要喺坑口搭296M去寶琳康盛花園，落車再行三百米過對面馬路，等另一架過海巴士，麻煩咗咁多，梗係唔搭啦！」
身兼荃灣區議員的立法會議員陳恒鑌指出，九巴合併32B及36號線後，分站較以往為多，車程亦延長，受影響居民遠比受惠者多，但新增分段優惠則屬事後補償方案，令居民怨聲載道，「依家唔係要轉車就係兜遠咗路，返梨木樹方向嘅車又唔經大窩口站，受惠人數變相仲少咗！」陳要求當局與九巴研究深化補償方案，以平息居民不滿。
交通選擇非恩賜
「畀居民有多一種交通公具選擇唔係恩賜，好似之前港鐵將軍澳線故障咁，已經搞到全個將軍澳變咗孤島咁，運輸署應該好好檢討吓！」西貢區議員方國珊則批評運輸署與九巴未有顧及市民利益，又指692線被取消後，坑口居民在非繁忙時間只能依賴港鐵往返港島，倘遇港鐵事故則難以應急，要求當局正視問題。
運輸署發言人指九巴32B線及36號線合併後，原有32B線車輛即調撥至新路線，班次亦加密至十至十二分鐘一班，並有轉乘優惠。至於692號線方面，發言人稱自港鐵將軍澳支線於○二年通車後，692巴士線繁忙時段平均載客率少於五成，非繁忙時段更僅得百分之十六，有必要取消。發言人強調，上述兩條路線皆有向市民提供優化措施，務求將對乘客的影響減至最低。
（ireport_00036321）
