政壇：港生設計「皇帝」新衣

香港高等科技教育學院時裝設計系二年級學生陳恒華，參加組織「比利時精神（Belgian Spirit）」舉辦嘅比利時撒尿童子銅像時裝設計比賽，以已故「九龍皇帝」曾灶財嘅墨寶作為時裝主題，結果擊敗四十多名本地學生成功奪得冠軍。陳恒華話自小就喜愛書法，加上以曾灶財墨寶做主題可以體現香港精神，於是諗出呢個設計構思。不過撒尿童子銅像嘅左手係同身軀連成一體，所以喺設計上有啲難度，但最終都完成作品。雖然奪冠，但陳恒華話未知其作品有冇機會送到比利時着上撒尿童子銅像身上展出喎！