政壇：投資銀行新丁唔使通頂

據講，好多大行嘅環境都幾惡劣，譬如OT係常事，幾乎餐餐叫外賣，搞到唔少trainee兩年合約都未滿，已急急腳走人，流失率超過六成。跨國大行高盛決定出招，出年會請三百三十二名分析員，較舊年多百分之二十三，藉此攤分旗下打工仔嘅工作量，仲計劃取消兩年合約制度，入職者一開始就係長工。此外，較資深嘅分析師要見客，新丁唔使寫百幾頁報告，寫個大綱就OK。佢哋唔少改善計劃都針對目前嘅弊病，希望留住啲後生員工，以免佢哋隨時跳槽去返工時間相對理想嘅對沖基金、私募基金，或者津貼非常和味嘅新興科企。