SUN驚奇：好App須啱用家需要
何為好App？有學者指，能夠大受用家歡迎的Apps，通常具備三大因素：切合用家需要、操作個人化及安全性高。
「要人下載你個App，首先係要睇用家有冇實際需要！」香港專業教育學院（屯門）資訊及通訊科技系系主任梁秉雄稱，實用程式固然能幫助市民解決日常需要，即使是遊戲程式，也有紓解壓力的功效。
梁續稱，好App的第二項條件是介面個人化，「除咗user-friendly（容易操作）之外，個App要遷就到用家嘅習慣，因應唔同用家作出唔同嘅調整，例如一啲圖標嘅擺法、次序可以自行調較位置。」
最後，好App要保障用家流動裝置的安全及順暢，「用咗呢個App，會唔會令到個人資料外洩？數據有損失？運行呢個App之後，會唔會同其他運作中嘅Apps相撞，搞壞部機？通通都要考慮。」
