「老細，一碗牛雜！」有人大呼道。小食店老闆總覺這把聲線似曾相識，一看，原來是貪湯。老闆一向疾惡如仇，見貪湯在大街上大搖大擺，面見可憎，便決意揶揄他一番。「好呀！」老闆只挑選肺部放入小碗內，然後一手遞給貪湯。
貪湯一看，面有難色︰「老細，咁多肺？」老闆不屑地道︰「你個人咁廢，肺啱你食架喇！」只見貪湯不情不願地接過小碗，但是仍然心有不甘︰「老細，唔係呢，無肚、無心、無腸……乜都無，點叫牛雜呀？」老細火冒三丈︰「有咩唔得，你『無種』現身認錯，但咪又係一個雜種！」
