眾裏尋個Mr. Right 左瞞右瞞好刺激
偷食未必只求短暫快樂。長髮、高瘦、今年二十八歲的Fantasy（化名），是不少男士心目中的女神，骨子裏她卻背着男友出外偷食，原因是她渴望從芸芸對象中，揀個最好的。
六年前她與初戀男友分手後，不久認識到第二任男友，但Fantasy仍與初戀男友有來往，「仍然同初戀男友有性關係咁囉。」她否認這是偷食，因為「同初戀男友都唔係認真」。
「兩男同時想幫我慶生」
第二次偷食，也是在跟第二任男友拍拖時發生，「男友好悶，我咁啱喺酒吧識咗個調酒員，同佢曖昧吓，男未婚，女未嫁，咪當揀吓囉。」她口中的「曖昧吓」，包括性關係。最終，跟他「曖昧吓」的調酒員成為她第三任男友。
拍拖僅三個月，她嫌棄調酒員工作沒出息，再於朋友聚會時認識從事保險業的新歡，又跟對方「曖昧吓」，「試過兩個男仔同時想同我慶生，咁我咪留正印喺屋企，叫埋屋企人一齊慶祝，後來又搵藉口出去搵另一個男仔過生日。」Fantasy長期有兩個男士在身邊周旋，雖然左瞞右瞞，她卻覺得很刺激，心裏一直希望找到真正的Mr. Right。
