肉體心靈獲慰藉 玩出感情冷落男友
Emily（化名）二十三歲那年曾背着男友「偷食」，對方是一名已有女朋友的中年男士，他們經朋友互相認識的。「每次約會都要好小心，為免出街時撞到雙方朋友，地點梗係要安排吓、避忌吓先得，旺區就盡量少去。」她又稱在公眾地方盡量減少身體接觸，「就算熟人撞到，都可以話係朋友。」
「結咗婚唔會再試」
Emily偷食是為了肉體及得到心靈慰藉，「佢有內涵，比我男友優勝，同佢一齊好開心，慢慢就發展出感情。」她說起來心裏沒怯。話雖如此，與新歡雖然只是偷食，但也影響到她與男友的感情。「可能同新歡做（愛）時又刺激又有新鮮感，不知不覺就對男友冷淡，甚至試過佢想做嗰時，我都會拒絕。」
Emily坦言，時間和心思已被新歡分薄，對男友明顯已沒以前那麼用心。不過，她很清楚與新歡的位置，從沒想過跟新歡有將來。「大家識嗰時都知對方有另一半，大家亦都知自己嘅位置喺邊，唔會要求對方分手……拍拖偷食無問題，但結咗婚，就想有穩定嘅家庭生活，（偷食）唔會再試。」
