政壇：鄧家彪率團考察 結論：望來世做澳門人
立法會勞工界議員Bill鄧家彪上月底率領十多個議員助理一齊到澳門考察，話要去睇當地嘅社福政策。經過呢個兩日一夜嘅旅程，阿Bill嘅助理坦言有個心願，希望來世做澳門人喎。
鄧家彪（中）上月底帶隊考察澳門嘅社福政策，結論係「來世要做澳門人」。（受訪者提供）
為咗參考各地嘅社福政策，阿Bill上月帶埋一眾議員助理去澳門取經。佢哋先後訪問澳門房屋局及勞工暨就業局等政府部門，了解當地資助房屋同社會保障制度。阿Bill話澳門早已規劃安老等政策，所以當地唔單止有養老金，仲有殘疾金、失業津貼、結婚津貼、生仔津貼、出生津貼同喪葬津貼等，嚟緊仲計劃緊搞自願性強積金。
阿Bill話，雖然香港情況較澳門複雜，但如果依家唔積極面對人口老化問題，以後就難處理喇！
