尋日李衞撞到貪曾，梗係刮佢貪湯啲料，一向賤格嘅貪曾見有禍上身，耍晒太極咁話自己唔識貪湯！李衞相信市民嘅眼睛係雪亮嘅，一班貪官遲早實入冊！

李衞：你兄弟貪湯秋天「判刑」，你會唔會去旁聽？

貪曾：（婉拒）我日日入禁區影雀、去大小論壇「識人」，好忙o架，唔去喇！

李衞：老廉就嚟查完你，話唔定你哋第時喺監倉變「難兄難弟」呢，仲唔聯絡吓感情？

貪曾：（唔想上身）我同佢唔熟，我係清白o架！

李衞：人哋一外訪你就豪批公帑，你同佢仲唔係兄弟？咪扮嘢啦！

貪曾：（忽然發嬲）Come on李衞，你可不可以成熟一點呢？查貪湯關我乜事，批公帑出去係罪咩？

李衞：話晒你都係前特首兼雀屎，可唔可以有啲「擔戴」呀？

貪曾：超！人哋警察靠阿媽呃grant loan，都唔現身啦！我之前只係同佢食過飯、幫佢簽過幾個名，唔代表我一定識佢o架！我唔知邊個係貪湯呀！

李衞：gifddh($%(#((!@!

第一手消息請下載on.cc東方互動iPhone/iPad/Android/Windows Phone Apps