SUN搞作：打橫嚟講：多行不義必自斃！等天收！

上述呢位學者朋友，唔係第一個有如此反應的知識分子，佢哋再而三、三而再的給香港特區機會，最終，皆失望至極！寧願做「關人隱士」，不理世事，甚或「集體移民」（近期，最興去台灣），也好過睇住香港陸沉！

說他們悲觀？實情，係現實！

說他們逃避？其實，係自救！

現坊間、街上，見不少人精神恍惚，自言自語的通處走；另一種，則狂躁抑鬱，三句唔埋，兩嘢就開拖；此外，有類人，愛致電電台phone-in節目，胡言亂語說個不停，志在抒發情感多過講意見。呢個瘋狂特區內，太抑壓無助了！

再長久下去，人都癲！

本屆香港特區政府是「雙失廢柴政府」。「雙失」者，即「失措」和「失心慌」。

大家睇吓，足足十四個月啦！呢個廢柴政府有乜政績？不要說有乜貢獻，淨係睇佢哋十四個月來，日日為「補鑊」而亂作一團，已叫人想死了！唔係「大話冚大話」，就係「護短包庇」；啲問責官員做乜都「驚惶失措」，政策推一項衰一項，毫無工作能力，成群過街老鼠，搞到香港係「垃圾圍城」的臭港！呢度所指的垃圾，係政府官員呀！

失心慌者，係廢柴最高層信「老黑」多過信警方，把口話撐警方，實則摑了差人一巴掌！精神錯亂！

我對所有朋友說：「多行不義必自斃的，天律也！不可違也！我信！」企硬，睇啲賤精點死吧！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府