SUN搞作:Sun官場現形記:樣衰到「富」都甩
前立法會議員家富,被踢爆霸咗立法會兩個車位,畀正義傳媒捉到正嗰陣,仲狡辯話自己係現任議員「咖喱飯」嘅義務法律顧問,咁禮義廉嘅行為,搞到連停車場保安都上前斥責佢……
保安︰阿生,你無權使用呢度嘅車位,請你揸車離開。
家富︰使唔使咁呀?難聽啲講我都叫過氣議員呀!
保安︰哦,即係已經廢棄嘅議員喇。
家富︰我假假地都叫仲服務市民!
保安︰我話你呃市民就真。
家富︰豈有此理,好,我走,我陣間拖,叫「咖喱飯」嚟教訓你。
保安︰我諗你唔需要拖,反而需要拖第二樣嘢。
家富︰完全唔明你講咩。
保安︰你仲有另一部車喺度,我估你一個人都唔可以同一時間揸走兩部車,你仲唔使拖車咩?
家富︰@##$$%%^^&&
作者:李衞