政壇：韓連山教長毛讀Snowden
韓連山尋日糾正長毛嘅讀音，認為佢讀錯咗斯諾登個名。
近日香港因為美國中情局前特工斯諾登（Edward Snowden）爆料成為全球焦點，城中亦熱議呢個行蹤神秘嘅人，不過，佢嘅英文名點讀，尋日卻引發一個小風波。平時蒲開蘭桂坊嘅長毛英文雖然talk得吓，佢尋日讀佢嘅名時，卻被退休英文教師韓連山KO（擊倒）。
韓連山尋日糾正長毛嘅讀音，認為佢讀錯咗斯諾登個名。
話說佢哋尋日去美國領事館示威，要求美國特赦斯諾登，當長毛讀出Snowden個名時，韓連山就話，佢聽完外國電視台報道嘅發音，再加自己理解後，Snowden嘅發音唔應該讀成「s-no-den」(音即「是NO躉」)，應該讀成「s-now-den」（音即「是NOW躉」）至啱。長毛反駁話讀音呢樣嘢冇話邊個啱，可能佢係法國人又有唔同讀法喎，仲話應該問番斯諾登本人就最清楚。
